Një lokal nate është përfshirë nga zjarri në ora 05:15 në rrugën “Epiri” në Prishtinë.

Ekipi i portalit Arbresh.info ka raportuar nga vendi i ngjarjes, ku shihet se ende ka tym.

Zëdhënësi i Policisë së Kosovës për Prishtinën, Agron Borovci, për Arbresh.info ka thënë se policia menjëherë ka dalë në vendin e ngjarjes dhe ka ftuar edhe zjarrfikësit me qëllim të lokalizimit të zjarrit.

“Deri më tani nuk raportohet për të lënduar përveç dëmeve materiale. Zjarri ka prekur edhe një objekt në afërsi të objektit që po digjej, ndërkaq për shkaqe sigurie janë larguar disa automjete përreth vendit të ngjarjes”.

“Policia në koordinim me prokurorin e shtetit ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, ka thënë Borovci.

Lokali në fjalë është klubi i natës “Gate”./Arbresh.info